ЯҢАЛЫКЛАР

Татарстан Республикасында  кеше хокуклары буенча вәкаләтле вәкил   Татарстан Республикасы Хәрби комиссары белән берлектә  2013 елгы көзге чакырылыш кампаниясе чорында  халыкны хокукый агарту максатыннан  уртак чаралар үткәрүне дәвам итә.

23 октябрьдә Балык Бистәсе муниципаль районында  Татарстан Республикасында кеше хокуклары буенча вәкаләтле вәкил һәм   «Союз пенсионеров России» төбәкара бүлеге  халык өчен Хокукый ярдәм көне  үткәрделәр. Гражданнар профессиональ юристлардан   пенсия, гаилә, хезмәт, торак законнары һәм башка мәсьәләләргә, шул исәптән сәламәтлек саклауга кагылышлы  консультацияләр алдылар.

Бүген  19 октябрьдә   2013 – 2014 нче яңа уку елында Татарстан Республикасында кеше хокуклары  буенча вәкаләтле вәкил каршындагы Хокукый  белемнәр мәктәбенең Казанның яңа өйләнешкән парлары өчен  беренче дәресе узды. Ул “Гаилә кодексы. Гаиләнең төп кыйммәтләре” дигән темага багышланды.

        11 октябрьдә   “Союз пенсионеров России”  гомумроссия  җәмәгатьчелек оешмасының төбәкара бүлеге каршындагы  “өченче буын” Университеты тыңлаучылары өчен яңа уку елында  Хокукый белемнәр мәктәбе үз ишекләрен ачты. Әлеге мәктәп кеше хокуклары буенча вәкаләтле вәкил каршында эшли. Биредә өлкән яшьтәге кешеләр шөгыльләнә һәм алар өчен хокукый белемнәр алу аерым социаль әһәмияткә ия.  

Татарстан Республикасында кеше хокуклары буенча вәкаләтле вәкил  Азия омбудсманнар институты оештырган омбудсманнар берлегенең 13 нче Азия конференциясендә катнашты. Сәрия Сабурская Россия Федерациясе субъектлары вәкилләре арасыннан Азия омбудсманнары берлегенең бердәнбер әгъзасы булып тора.

Бүген  Татарстан Республикасында Кеше хокуклары буенча вәкил   Аппаратында  “Халык контроле”  дәүләт мәгълүмат системасын эшләтү буенча  ведомствоара  комиссия  утырышында  “Халык контроле” системасын  эшләтү мәсьәләләре тикшерелде.  “Халык контроле” дәүләт мәгълүмат системасын эшләтүне яхшырту максатыннан  агымдагы елның 2  октябрендә   Татарстан Республикасында Кеше хокуклары буенча вәкил Аппаратында  ведомствоара комиссиясенең  беренче утырышы  узды. 

Агымдагы елның 26 сентябрендә  Татарстан Республикасындагы вәкаләтле  вәкил каршында эшләүче  Хокукый белемнәр  мәктәбенең торак-коммуналь хуҗалыгы мәсьәләләренә кагылышлы  ачык укулары узды. Аның тыңлаучылары  – Вахитов һәм Идел буе районнарындагы йортларның  җаваплылары иде.  

         Кичә 18 сентябрьдә   Россия Пенсия фондының Татарстан Республикасы буенча Киров районындагы  идарәсендә  Кеше хокуклары буенча вәкил  һәм “Россия пенсионерлары берлеге”  халык өчен Хокук ярдәме көне үткәрделәр.