Агымдагы елның 23 августында  Яшел  Үзәндә  Татарстан Республикасының хезмәт, мәшгульлек  һәм  социаль яклау  министры А.Р. Шәфигуллин катнашында Татарстан Республикасында  кеше хокуклары буенча вәкилнең җәмәгать ярдәмчеләре  белән семинар-киңәшмә  узды.

19 июль көндә Казанда куанычлы вакыйга булды. Мәскәү районында, Серов урамында (4 а йорт) “Күрү сәләтеннән мәхрүм инвалидлар өчен “Ярдәм” мөселман укыту-тернәкләндерү үзә­ге” ачылды. Россия һәм БДБ ил­ләрендәге бердәнбер, тиңе булмаган мәркәз бу.

2013 елның 16 апрелендә Татарстан Республикасында кеше хокукларын яклау буенча вәкаләтле вәкил  Татарстан Республикасының Кукмара районында булды.  Визитның төп максаты  гражданнарны кабул итү иде, вәкилгә 8 кеше мөрәҗәгать итте. 

9 апрельдә Татарстан Республикасында  кеше хокукларын яклау буенча вәкаләтле вәкил  Сәрия Сабурская һәм Татарстан Прокуроры Кафил Әмиров Әгерҗедә гражданнарны кабул иттеләр. Вәкил һәм Прокурор 24 кешегә   консультация бирде. Ике күмәк мөрәҗәгать игътибарга алынды.

 Кеше хокуклары буенча  Европа Советы комиссары Нил Муйжниекс Россия Федерациясенә визиты барышында рәсми визит белән Казанга да килде. Очрашуның максаты – хакимият органнары җитәкчелеге белән очрашу һәм  Россиядә хөкем системасы  кысаларында, аерым алганда Татарстан Республикасында   кеше хокукларын яклау мәсьәләләрен тикшерү иде.