ЯҢАЛЫКЛАР
Бүген, 30 гыйнварда Татарстан Республикасында Кеше хокуклары буенча вәкаләтле вәкил каршындагы “Хокукый белемнәр мәктәбе”нең “Торак-коммуналь хезмәтләр күрсәтү кагыйдәләре” дигән темага факультатив дәрес үтте. Дәрес коммуналь хезмәтләр күрсәтү гомум положениеләре өлешендә коммуналь хезмәтләр күрсәтү кагыйдәләрен өйрәнүгә багышланды.
Бүген, 29 гыйнварда Татарстанда Кеше хокуклары буенча вәкаләтле вәкилнең җаваплы кешесе Казан шәһәренең Совет районы опека һәм попечительлек бүлеге җитәкчесе белән берлектә, Казан шәһәренең Космонавтлар урамы, “Сугыш ветераннары” бакчачылык ширкәтендә яшәүче граждан З. мөрәҗәгате буенча урынга чыгып тикшерү үткәрде. Гариза бирүче Сәрия Сабурскаяның шәхси кабулында Казанның Совет районы хакимиятенең балигъ булмаганнарның мөлкәткә хокукларын яклау буенча комиссиянең Татарстан Республикасы Биектау районы Каймар авылында урнашкан җир участогын сатуга рөхсәт бирүдән баш тартуы мәсьәләсе буенча мөрәҗәгать итте.
2014 елның 24 гыйнварында Татарстан Республикасында Кеше хокуклары буенча вәкил Сәрия Сабурская Аксубай районының Мюдовский авыл җирлегендә яшәүче Ирина Михайловна Степанова янында булды. Аңа кеше хокукларын яклауда актив гражданлык позициясе өчен Россия Федерациясендә Кеше хокуклары буенча вәкил рәхмәтен тапшырды.
Татарстан Республикасында Кеше хокуклары буенча вәкил бүген, 23 гыйнварда, гражданнарны кабул итте. Кабул итү Россия Федерациясе Президентының Татарстандагы кабул итү бүлмәсендә алдан язылу нигезендә алып барылды. Вәкилгә 5 кеше мөрәҗәгать итте, болар нигездә торак мәсьәләсе буенча килүчеләр иде. Шулай ук гражданнарны торак-коммуналь хезмәтләр күрсәтү мәсьәләсе дә кызыксындырды.
Бүген Бурятия Республикасыннан килгән делегация, Казанга рәсми визиты кысаларында, Татарстан Республикасында Кеше хокуклары буенча вәкил Сәрия Сабурская белән очрашты. Бурятия Республикасы башлыгының һәм Бурятия хөкүмәтенең Контроль комитеты рәисе Сергей Мещеряков, Бурятия Республикасы башлыгы администрациясенең һәм Бурятия хөкүмәтенең кадрлар һәм дәүләт бүләкләре бүлеге җитәкчесе Галина Цыренова һәм Бурятия Республикасы башлыгы администрациясенең һәм Бурятия хөкүмәтенең башка вәкилләре катнашындагы делегация, Татарстан Республикасында Кеше хокуклары буенча вәкил Аппаратында, Татарстан омбудсманының республикада гражданнар хокукларын яклау һәм саклау кысаларында төп эшчәнлеге белән танышу максатыннан булдылар.
Дәүләт Думасына мирас килешүенә кагылышлы яңа законпроекты кертелде. Аның ярдәмендә проект авторлары өлкән яшьтәге квартир хуҗаларын якларга алынып, аларга гомер азагына кадәр квартир хуҗасы булып калырга мөмкинлек бирә, моннан соң квартирга ия булучы яки милек документында билгеләнгән кеше квартирны үзенә хуҗасы үлгәннән соң гына ала ала.