ЯҢАЛЫКЛАР

Бүген ВКС режимында Арча һәм Алабуга районнарының башкарма комитетлары ягыннан «Халык контроле» Татарстан Республикасы дәүләт мәгълүмат системасында мөрәҗәгатьләрне үтәү мәсьәләсе буенча эшлекле киңәшмә уздырылды. Җаваплы башкаручылар белән бергә системада гражданнарның 59 мөрәҗәгате каралды, алар күбесенчә юлларны ремонтлауга, урамнарны яктыртуны оештыруга һәм тулаем территорияне төзекләндерүгә кагылышлы иде. Киңәшмә нәтиҗәләре буенча башкарма комитетларга гаризаларның вакытында һәм сыйфатлы үтәлешен тикшереп торуны көчәйтергә һәм алдагы елларга муниципаль һәм республика тармак программаларын формалаштырганда аларны исәпкә алырга тәкъдим ителде.

Бүген Татарстан Республикасында Кеше хокуклары буенча вәкаләтле вәкил Камил хәзрәт Сәмигуллин белән очрашты, ул мобилизацияләнгән гражданнарга ярдәм күрсәтү буенча фикер алышты. Бу - гаиләләр белән эшләү дә, психологик ярдәм дә, дини атрибутика, кием белән тәэмин итү дә. Ул Камил хәзрәт белән үзәкләрнең берсендә ислам һәм православие динен тотучылар өчен ике гыйбадәт бүлмәсе рәттән урнашуы турындагы хис-кичерешләре белән уртаклашты. Хәзер бу кешеләр өчен чыннан да дога кылу өчен мөһим. Сәрия Сабурская Россия хәрби частьләренә сәфәрләрнең берсендә чиркәү белән мәчетнең янәшә урнашуын күрде. Бу хәрби частьта хезмәт итүче егетләр моның өчен билгеләнгән вакытта дога кылырга мөмкинлек ала. Алга таба да әлеге юнәлештә хезмәттәшлек итәргә килешенде, чөнки хәрби частьләргә бару – вәкилнең даими практикасы.

Бүген Татарстан омбудсмены Сәрия Сабурская «Казан-Экспо» күргәзмә үзәгендә мобилизацияләнгән татарстанлыларны вакытлыча урнаштыру үзәгендә эшләде. Алар янына көн саен диярлек чыгып, үзләрен борчыган сорауларга җавап бирү, килеп туган проблемаларны хәл итүдә ярдәм күрсәтү өчен барлык урыннарга барабыз. Ә аларны, беренче чиратта, гаиләләре, балалары, өлкән яшьтәге ата-аналары язмышы борчый, алар турында кайгырталар. Күпләрнең кредитны яисә башкарма производство буенча бурычларны түләүгә, теге яки бу документларны рәсмиләштерүгә, эш урынын саклап калу мәсьәләсен җайга салуга яки туганнарына социаль ярдәм күрсәтүгә кагылышлы мөһим эшләре бар, һәм һәркемгә квалификацияле ярдәм, шул исәптән юридик ярдәм кирәк. Һәркемгә ярдәм итү өчен «Казан Экспо» да бер үк вакытта Адвокатлар һәм Нотариаль палаталар вәкилләре, юристлар, суд приставлары эшли.

Сәламәтлек саклау һәм медицина ярдәме күрсәтү мәсьәләләре мобилизацияләнгән һәм аларның туганнарыннан һәм якыннарыннан килгән мөрәҗәгатьләр арасында беренче урында.

Вәкаләтле вәкил эшенең төп максаты - кешеләргә ярдәм итү. Вәкил һәм аның командасы өчен төп нәтиҗә - кешенең чишелгән проблемасы. Бүген Вәкаләтле вәкил Аппаратында ярдәм һәм яклау сорап килгән 7 гражданны кабул итү булды. Сораулар традицион рәвештә тормышның төрле өлкәләренә кагылды.

Мобилизацияләнүчеләр белән шәхси очрашулар һәрвакыт үзләреннән, шулай ук якыннарыннан килгән мөрәҗәгатьләрне тулырак һәм объективрак карарга ярдәм итә. Чакырылыш комиссияләре карары белән килешмәү, мобилизацияләнүчеләрнең сәламәтлеге турындагы мөрәҗәгатьләр төрле министрлыкларга һәм ведомстволарга, шулай ук Татарстан Республикасында Кеше хокуклары буенча вәкаләтле вәкил адресына, шул исәптән «Халык контроле» системасының баш модераторы адресына килүләрен дәвам итә.

Вәкаләтле вәкил адресына, шул исәптән «Халык контроле» системасының баш модераторына мобилизацияләнүчеләрдән дә мөрәҗәгатьләр килә. Гражданнар борчыла, кайберләре гаиләләрендә килеп туган бу хәл аркасында аптырашта кала. Кешеләр чакырылыш комиссияләре карары белән килешмәү, мобилизацияләнүчеләрнең сәламәтлеге турында язалар. Әлбәттә, без һәр очракка зур игътибар белән карыйбыз. Шул ук вакытта закон нормаларын да, министрлык һәм ведомство коллегаларының җавапларын да исәпкә алабыз. Шул ук вакытта, мобилизацияләнгән кешеләр белән шәхси очрашулар булмаса, андый җаваплар гел тулы һәм объектив булмаска мөмкин.

Бүгенге көндә Татарстан Республикасында төрле юнәлештәге 6 меңнән артык коммерциячел булмаган оешма теркәлгән: болар - хәйрия, хокук яклаучы, милли оешмалар һ. б. Алар, күбесенчә, халыкка төрле «социаль хезмәтләр» күрсәтеп, үз программаларын нәтиҗәле гамәлгә ашыралар; экологик проблемаларны чишү белән шөгыльләнәләр; гражданнарның хокукларын һәм ирекләрен яклау һәм торгызу буенча масштаблы эш оештыралар; халыкның социаль яклауга аеруча мохтаҗ калтавына: тоткыннарга, пенсионерларга, ятим балаларга, инвалидларга, гражданлыгы булмаган затларга, качакларга булышалар.
Бүген Татарстан Республикасында Кеше хокуклары буенча вәкаләтле вәкил «Хакимият органнарының коммерциячел булмаган оешмалар белән хезмәттәшлеге: Россия яңа халыкара контекстта» Бөтенроссия фәнни-гамәли конференциясендә чыгыш ясады. Хакимият органнарының коммерциячел булмаган оешмалар белән хезмәттәшлек итү тематикасы буенча конференция беренче тапкыр уздырыла, әмма хәзерге заман юридик фән өчен зур кызыксыну уята. Конференция кысаларында каралган мәсьәләләр Россия Федерациясенең төрле төбәкләреннән килгән галимнәрдә һәм практикларда зур кызыксыну тудырды.

Бүген Татарстан Республикасында Кеше хокуклары буенча вәкаләтле вәкил «Татарстан хатын-кызлары» төбәк иҗтимагый оешмасы советының чираттагы утырышында катнашты.

Кайнар элемтә кешеләргә реаль вакыт режимында күптән борчыган проблемаларга һәм сорауларга аңлатмалар алырга мөмкинлек бирә. Чөнки кайчагында конкрет тема буенча консультация алу җитә, әмма моның өчен һәрвакытта да ведомствога барып җитү мөмкинлеге юк, бигрәк тә сүз өлкән яшьтәге кешеләр турында бара икән.