«Советлар Союзы Герое Гани Сафиуллин исемендәге Татарстан кадет корпусы»нда булу
Күптән түгел без Хабаровск краенда командировкада булганда, Татарстан омбудсмены Сәрия Сабурскаяның Сүрия һәм Украина сугышларында катнашкан, Түбән Кама районында туган якташыбыз Никита белән ничек очрашуы турында сөйләдек. Ул реабилитация үтте һәм шулай ук Хабаровск краенда эшлекле командировкада булды.
Бүген Түбән Камада Сәрия Сабурская үз вакытында Никита укыган «Советлар Союзы Герое Гани Сафиуллин исемендәге Татарстан кадет корпусында» булды. Педагоглар һәм остазлары барлык чыгарылыш сыйныф укучылары белән элемтәдә торалар һәм Хабаровскидан да аларга «сәлам» тапшырдылар!
Омбудсмен биредә чын патриотлар, булачак сугышчылар булган яшьләрне ничек тәрбияләүгә сокланды. Педагоглар үзләренең чыгарылыш укучылары белән горурланалар, аларның күбесе, хәрби училищеларны (шул исәптән Казан танк училищесын да) тәмамлап, офицерлар булалар һәм Россия Федерациясе Кораллы Көчләрендә намус белән хезмәт итәләр. Әйтик, 2020/21 уку елын тәмамлаган 15 кешенең 12се хәрби училищеларга укырга кергән, өчесе сәламәтлек торышы буенча узмаган! Түбән Кама кадет корпусын тәмамлаучыларның күбесе Украинадагы махсус хәрби операциядә бурычларын үти, батырлык өчен орден-медальләр белән бүләкләнә.