«Халык контроле» ндә узган атнада эшләү
Узган атнада «Халык контроле» системасына 4 065 мөрәҗәгать килде, шуларның 1 554е буенча чаралар күрелде. Менә оператив рәвештә башкарылган гаризаларның берничә мисалы:
* Казан шәһәре башкарма комитетының Киров һәм Мәскәү районнары хакимияте Энергетиклар урамындагы төзелеш чүп-чарын чыгарды (№5180499);
* Түбән Кама районы башкарма комитеты Тынычлык проспекты буенча тимер юлны төзекләндерде (№5207085);
* Алабуга районы башкарма комитеты Нефтьчеләр проспекты буенча светофор ремонтлады (№5213542);
* «Главтатдортранс» идарәсе көче белән Әлмәт районының Колшәрип авыл җирлегендә юл асфальтланган (№3040984);
* Минзәлә районы башкарма комитеты Октябрь урамында (№ 4982728) автобус павильоны урнаштырды.
Татарстан Республикасы халкы иң актив рәвештә түбәндәге категорияләр буенча гаризалар бирде:
«Территорияне комплекслы төзекләндерү» - 336;
«Муниципаль юлларны карап тоту һәм ремонтлау» - 170;
«Тышкы яктыртуны оештыру» - 154;
«Юл хәрәкәтен оештыру» - 64.
«Халык контроле» мобиль кушымтасы ярдәмендә яки ТР Дәүләт хезмәтләре порталында «Халык контроле» нә гариза биреп, һәркем республикабызда яшәүчеләрнең тормыш шартларын яхшыртуга һәм сыйфатын күтәрүгә үз өлешен кертә ала.