ЯҢАЛЫКЛАР

Нигездә республикада яшәүчеләрне  эшкә урнашу (12 мөрәҗәгать), эш хакы түләмәү (11 мөрәҗәгать), эш шартлары һәм эш режимы (5 мөрәҗәгать), хезмәт мөнәсәбәтләрен туктату (2 мөрәҗәгать) мәсьәләләре кызыксындырды. Шулай ук “кайнар элемтә”гә пенсия алды яшендәге 14 граждан мөрәҗәгать итте, аларның хокукларын яклау “түгәрәк өстәл” утырышында тикшереләчәк.

Гражданнарның хезмәткә хокукларын яклау өлкәсендә  дәүләт органнары үткәрә торган шактый эшкә карамастан, кызганычка каршы, проблемалар кала бирә. Татарстан Республикасында гражданнарның хезмәткә хокукларын яклау өлкәсендә проблемалы мәсьәләләр арасында эш хакы түләү буенча бурыч, предприятиеләрнең бөлгенлеккә төшүе,  төрле милек формасындагы оешмаларда һәм предприятиеләрдә хезмәт законнарын саклау буенча тикшерүләр үткәрү, пенсия алды яшендәге гражданнарның хокукларын яклауны әйтергә була.

  2019 елның 11 апрелендә Татарстан Республикасында Кеше хокуклары буенча вәкаләтле вәкил Аппараты хезмәткәре  Татарстан Республикасы Сәламәтлек саклау министрлыгы каршындагы Иҗтимагый совет утырышында катнашты. Анда  республикада хроник бөер авырулары белән авыручы кешеләргә гемодиализ ярдәме күрсәтүнең торышы һәм аны үстерү юллары тикшерелде.  

Татарстан Республикасында Кеше хокуклары буенча вәкаләтле вәкил Аппараты  Татарстан Республикасы дәүләт алкоголь инспекциясе белән берлектә  атна саен  “Халык контроле” дәүләт мәгълүмат системасында  Татарстан территориясендә алкоголь һәм спиртлы эчемлекләрне законсыз сату фактлары турында басылган мөрәҗәгатьләргә күзәтү үткәрә.

Тугыз ел инде Татарстан Республикасында Кеше хокуклары буенча вәкаләтле вәкил Аппараты  Татарстан Республикасы Хәрби комиссариаты белән берлектә, хәрби хезмәткә баручылар һәм аларның ата-аналары өчен “Хокукый белемнәр мәктәбе” дәресләре уздыра. Мондый дәресләрнең төп максаты – хәрби хезмәткә чакырылучыда хокукларын һәм вазифаларын дөрес аңлауны формалаштыру һәм чакырылышта яшь егетләрнең хокукларын бозуны булдырмау.

  Бүген Татарстан Республикасында Кеше хокуклары буенча вәкаләтле вәкил Аппараты хезмәткәре  Хезмәтне саклау төбәкара ассоциациясе оештырган “Хезмәтне саклау буенча иң яхшы белгеч- 2019” республика бәйгесендә катнашты. Бәйгедә республиканың иң яхшы хезмәтне саклау белгечләре сайланып, бүләкләнде.

10-12 апрель көннәрендә Казанда “Хезмәт мигрантларын социаль яраклаштыру һәм интеграцияләүгә комплекслы якын килү моделе” темасына өйрәнү семинары үтә.  Чараны Татарстан Республикасы хөкүмәте һәм милләтләр эше буенча федераль агентлык теләктәшлегендә  “Яңа гасыр” хәйрия оешмасы оештыра.  

Бүген, 10 апрельдә,  Татарстан Республикасында наркокулланучыларны тернәкләндерү һәм тормышка яраклаштыру белән шөгыльләнүче оешмалар эшенә күзәтчелек итү максатыннан Татарстан Республикасында Кеше хокуклары буенча вәкаләтле вәкил Аппараты хезмәткәре Эчке эшләр министрлыгы вәкиле белән берлектә  “Панацея клиник” оешмасы эшен тикшерде. 

   Татарстан Республикасы, тулаем Россия кебек үк,  соңгы елларда мигрантлар саны арту белән очрашты. Әлеге хәл шуның белән аңлатыла, Татарстан Республикасы,   Россия Федерациясе субъектлары арасында икътисадый яктан үскән һәм күпконфессияле төбәк буларак, якын чит ил мигрантларын җәлеп итә. Ел саен республикага  уртача 300 меңләп чит ил гражданы килә, шуларның 28 проценты эшләү максатыннан.

2019 елның 9 апрелендә Татарстан Республикасында Кеше хокуклары буенча вәкаләтле вәкилнең Бөгелмә муниципаль районындагы җәмәгатьчелек ярдәмчесе Наталья Казанова хәрби комиссариатта узган чакырылыш комиссиясе утырышында катнашты.