Бүген Екатеринбургта Россия Федерациясе субъектларында Кеше хокуклары буенча вәкаләтле вәкилләрнең Бөтенроссия Координация советы кысаларында секция модераторы булып чыгыш ясадым
Бүген Екатеринбургта Россия Федерациясе субъектларында Кеше хокуклары буенча вәкаләтле вәкилләрнең Бөтенроссия координацион советы кысаларында «Махсус хәрби операция ветераннарының социаль адаптациясе» секциясе модераторы булып чыгыш ясадым.
Без бүген фронттан физик җәрәхәтләр белән генә түгел, авыр эмоциональ тәэсир белән дә кайтучы ветераннарны тернәкләндерү буенча эшнең ничек баруы турында фикер алыштык. Хәзерге вакытта реабилитация «Россия Федерациясендә инвалидларны социаль яклау турында» Федераль закон нигезләмәләренә салынган инвалидларны реабилитацияләүгә гомуми якын килүләргә нигезләнә һәм медик-социаль экспертиза учреждениеләре эшли торган инвалидларны реабилитацияләү һәм абилитацияләүнең индивидуаль программалары кысаларында уза.
Төбәк цифрлы инструментларына да игътибар иттеләр. Татарстан тәҗрибәсе белән уртаклаштык - 2012 елдан бездә «Халык контроле» системасы эшли, аның аша гражданнар, шул исәптән махсус хәрби операциядә катнашучыларның гаиләләре, кыска вакыт эчендә ярдәм ала ала. Мондый механизмнар башка төбәкләрдә дә бар - Свердловск өлкәсендә, мәсәлән, «Хәрби хәрәкәтләрдә катнашучының шәхси кабинеты» мобиль кушымтасы уңышлы эшли.
Коммерцияле булмаган оешмаларның роленә аерым игътибар бирелде. Аларның ветераннарга ярдәм итүдә катнашуын бәяләп бетергесез. Иҗтимагый проектлар, төрле белгечлекләр - эшкә урнашу, белем бирү, ял итү, көнүзәк социаль проблемаларны хәл итү кысаларында максатчан ярдәм күрсәтергә мөмкинлек бирә.