«Кайнар элемтә» телефоны аша мәгариф сораулары буенча 40 ка якын граждан мөрәҗәгать итте
«Кайнар элемтә» телефоны аша мәгариф сораулары буенча 40 ка якын граждан мөрәҗәгать итте
Гражданнар һәрвакыт безгә аларның хокукларына һәм мәнфәгатьләренә кагыла торган мәсьәләләр буенча консультация сорап мөрәҗәгать итә алалар. Һәркемнең үз вакытында аңлатма алуы мөһим, бигрәк тә балалар хокуклары, социаль ярдәм һәм белем алу турында сүз барганда. Моның өчен без гражданнарның иң борчыган сорауларына җавап бирергә әзер булган белгечләрне һәм ведомство вәкилләрен җәлеп итеп, даими рәвештә «кайнар элемтәләр» оештырабыз.
📳 Бүген мәгариф мәсьәләләре буенча «кайнар элемтә» үткәрелде, аның барышында белгечләр балалы гаиләләргә ярдәм итүгә кагылышлы мөһим һәм кайвакыт катлаулы сорауларга җавап бирделәр. Телефон аша мөрәҗәгать иткәндә ташламалар һәм пособиеләр, мөмкинлекләре чикләнгән балалар өчен белем алуга ярдәм итү, техник тернәкләндерү чаралары белән тәэмин итү, күп балалы гаиләләр өчен мәктәпләрдә түләүсез туклану буенча аңлатмалар бирелде. Мәктәпләрдә дәресләр алып барыла торган белем бирү программалары һәм методик материаллар буенча сораулар да игътибарсыз калмады.
Шуны билгеләп үтәсе килә, мондый чараларның нәтиҗәлелеге кайбер мөрәҗәгатьләрнең «монда һәм хәзер» хәл ителүе, ә җентекләбрәк өйрәнүне таләп итә торган мәсьәләләрнең Вәкаләтле вәкил контроленә куелуы белән билгеләп үтелә.
