Яшь комачауламый!!

Яшь комачауламый! Олы яшьтә булуларына карамастан, республикабыз халкы яшь буынга илебез һәм республикабыз киләчәгенә карата җаваплы мөнәсәбәт үрнәге күрсәтү өчен сайлау участокларына килә. Алар актив тормыш рәвеше алып баралар, илдәге генә түгел, дөньядагы вакыйгалар белән дә кызыксыналар. Сайлауларда катнашу өчен сайлау участокларына шәхсән киләләр һәм үзләренең гражданлык позициясен белдерәләр.

 Буа муниципаль районында сайлау участогына Бөек Ватан сугышы ветераны Төхвәтуллин Рәүф Ибраһимович килде һәм тавыш бирде, аңа быел 104 яшь тула!

 Ә Минзәлә районында тавыш бирүдә 100 яшьлек татарстанлы Николай Федорович Аликимов һәм 90 яшьлек Антонина Пантюхина катнашты!

  Арча районында сайлауларга Вилдановлар гаиләсе - Әнәс Вилданович белән Фирдәвес Нигъмәтулловна килде!

Чын күңелдән тирән ихтирам сүзләрен белдерәбез!