Татарстан Республикасында Кеше хокуклары буенча вәкаләтле вәкил каршындагы Хокукый белемнәр мәктәбе дәресе
Әгәр сатып алынган товар сыйфатсыз булып чыкса, шул исәптән дистанцион ысул белән сатып алынса, техник яктан катлаулы товарларда җитешсезлекләр ачыкланган очракта, сыйфатсыз товарны ничек алыштырырга, кайсы товарларны кире кайтарырга яки алмаштырырга ярамый икән, дәгъваны ничек дөрес төзергә – бу һәм башка күп кенә сорауларга җавапларны бүген "өченче буын" университет студентлары алды.
«Кулланучылар хокуклары: һәркемгә нәрсә белергә кирәк» темасына мәгълүмат белән Кулланучылар хокукларын яклау һәм кеше иминлеге өлкәсендә күзәтчелек буенча федераль хезмәтнең Татарстан Республикасы буенча идарәсе вәкилләре Новикова Ангелина һәм Зөһрә Шакирова чыгыш ясады.
Халыкны кулланучылар хокукларын яклау мәсьәләләре буенча белем бирү товарлар һәм хезмәтләрнең гадел һәм ачык базарын булдыру өчен кирәкле шарт булып тора, кешеләргә товар сатучылар һәм хезмәт күрсәтүчеләр һәм җитештерүчеләр тарафыннан алданудан һәм алдаудан качарга ярдәм итә, шулай ук бу хокуклар бозылган очракта үз мәнфәгатьләрен ничек якларга кирәклеге турында аларның хәбәрдарлыгын арттыра.
Коллегаларыбызга кызыклы һәм җентекле мәгълүмат, шулай ук бирелгән мәгълүмати белешмәләр өчен рәхмәт белдерәбез. Алга таба хезмәттәшлеккә өметләнәбез!