2016 ел сайлаулары
Татарстан Республикасында Кеше хокуклары буенча вәкаләтле вәкил 2016 елның 18 сентябрендә сайлаулар барышында гражданнар хокукларын саклау буенча күзәтү үткәрде.
Кайбер төр гражданнарның сайлау хокукларын тәэмин итү һәм тормышка ашыру тикшерелде, Яңа Чишмә авылындагы һәм Казан шәһәрендәге кайбер сайлау участоклары каралды. Кулга алынган гражданнарның республиканың муниципаль районнарындагы тикшерү изоляторларында, аерым алганда, Бөгелмә шәһәренең 3 нче, Минзәлә шәһәренең 4 нче, Чистай шәһәренең 5 нче изоляторларындагы сайлауларда катнашу хокукын тормышка ашыру мөмкинлекләрен тикшерү өчен Вәкилнең җәмәгатьчелек ярдәмчеләре җибәрелде.
Булган сайлау участокларында тавыш бирү барышы, сайлау комиссиясе әгъзалары гамәлләре, шул исәптән сайлаучыларга бюллетеньнәр бирү, участок сайлау комиссиясе әгъзаларының гражданнарның документларын тикшерүен күзәтү оештырылды.
Булган участокларда сайлау хокукларын саклау турында закон таләпләре тулысынча сакланды, хокук бозулар булмады. Тавыш бирү биналары бюллетеньнәр бирү урыннары, тавыш бирү кабиналары һәм әрҗәләре күзәтүчеләр күрә алырлык итеп җиһазландырылган иде. Тавыш бирү кабиналары яшерен тавыш бирүгә конституциячел хокукны тәэмин иттеләр, мәгълүмат стендларында сайлау бюллетеньнәренә кертелгән кандидатлар һәм партияләр турында мәгълүмат бар иде, стендларда агитация материаллары урнаштырылмаган иде.
Гражданнарның сайлау хокукларын саклауга җәмәгатьчелек контролен, сайлау тәртибе, сайлау вакытлары, тавыш бирү белән бәйле хокук бозуларга кагылышлы сорауларына һәм шикаятьләргә үзвакытында җавап бирү максатларында, Татарстан Республикасы Үзәк сайлау комиссиясе “кайнар элемтә” оештырды.
“Кайнар элемтә” эшендә Татарстан Республикасында Кеше хокуклары буенча вәкаләтле вәкил Аппараты хезмәткәрләре дә катнашты. Гражданнарның “кайнар элемтә”гә килгән барлык сораулары буенча телдән тиешле аңлатмалар бирелде.