Татарстан Республикасы Юстиция министрлыгы һәм Россия Юстиция министрлыгының Татарстан Республикасы буенча идарәсе коллегиясенең уртак утырышы булды
Татарстан Республикасы Юстиция министрлыгы һәм Россия Юстиция министрлыгының Татарстан Республикасы буенча идарәсе коллегиясенең уртак утырышында 2025 елга закон чыгару эшчәнлегенә йомгак ясалды.
Татарстан Республикасы Юстиция министры Рөстәм Заһидуллин билгеләп үткәнчә, сыйфатлы хокукый база дәүләтнең нәтиҗәле эшләвенең нигезе булып тора.
Ел дәвамында Татарстан Министрлар Кабинеты тарафыннан республика парламентына 34 закон проекты кертелде. Алар барысы да ведомствоара координация комитеты утырышларында алдан карау һәм фикер алышу узды. 2026 елга закон проекты эше планы инде формалаштырылган һәм 12 инициативаны үз эченә ала, шуларның өчесен февральдә кертү планлаштырыла.
Коллегиядә коррупциягә каршы экспертиза мәсьәләләренә аерым игътибар бирелде. 2025 елда 2 787 норматив хокукый акт проекты каралды, бу алдагы ел белән чагыштырганда 168 гә күбрәк. 40 документта коррупциячел факторлар ачыкланган, күбесенчә грантлар һәм субсидияләр бирү белән бәйле проектларда.