Мәгариф, мәдәният, фән һәм милли мәсьәләләр комитеты утырышы
Бүген мәгариф, мәдәният, фән һәм милли мәсьәләләр комитеты утырышында «Талантлар белән стратегик идарә итү» дәүләт программасын гамәлгә ашыру мәсьәләләре турында фикер алыштылар.
2020 елдан башлап сәләтле балаларны ачыклау һәм аларга ярдәм итү эшендә 113 меңнән артык укучы катнашкан. Талантлы балалар турында электрон мәгълүмат базасында 25 меңнән артык талантлы бала исәпләнә, шуларның 6,5 меңе төрле дәүләт ярдәме чаралары ала. Чыгарылыш сыйныф укучыларының 70% ка якыны республикада яшәргә һәм эшләргә кала.
Парламентарийлар шулай ук 2026 елга һәм 2027-2028 елларның планлы чорына мәктәпкәчә, мәктәп һәм өстәмә белем алуның дәүләт гарантияләрен финанс белән тәэмин итү нормативлары турында фикер алыштылар. 2026 елга мәктәпкәчә һәм мәктәп, шулай ук өстәмә һәм һөнәри белем бирү программаларын гамәлгә ашыруны финанс белән тәэмин итү нормативлары 2025 ел белән чагыштырганда 20% ка арттырылды.
Моннан тыш, депутатлар фән һәм фәнни эшчәнлек, шулай ук физик культура һәм спорт турындагы республика законнарын федераль законнарга туры китерүгә юнәлдерелгән үзгәрешләрне карадылар.
Утырыш Мәгариф, мәдәният, фән һәм милли мәсьәләләр комитетының 2025 елның 4 кварталына эш планын раслау белән тәмамланды.