«Халык контроле» ТР Дәүләт мәгълүмат системасында узган атнадагы эш
«Халык контроле» ТР Дәүләт мәгълүмат системасында белдерүләрне карау сыйфатын яхшырту максатында Вәкаләтле вәкил Аппараты хезмәткәрләре көн саен системага керүче хәбәрнамәләр мониторингын үткәрә. Моннан тыш, гражданнарның кире элемтә платформасы аша килгән хәбәрләренә даими рәвештә анализ ясала, бу исә халык белән аралашуның барлык цифрлы каналларын да колачларга мөмкинлек бирә.
Узган атнада «Халык контроле» ТР Дәүләт мәгълүмат системасында 4455 мөрәҗәгать бастырылган, шуларның 1503 буенча чаралар күрелгән. Кире элемтә платформасы ярдәмендә 2 153 хәбәр килде, 1 074 хәл ителде.
Гадәттәгечә сезгә «Халык контроле» ТР Дәүләт мәгълүмат системасы аша килгән мәсьәләләрне оператив хәл итү мисаллары турында сөйлисем килә:
- Биектау бистәсенең К.Сәгъдиев урамындагы 6 нчы йортта яшәүче йортның керү юлы җимерелүе турында мөрәҗәгать иткән. Биш ел эксплуатацияләү дәверендә керү урынының тышкы күренеше шактый начарланган, баскычлар һәм тоткалар сыйфаты канәгатьләнерлек түгел, бу балалар коляскалары белән хәрәкәт иткәндә кыенлыклар тудыра. Йортта яшәүчеләрнең мөрәҗәгатьләренә карамастан, идарәче компания эшләми. Биектау районы башкарма комитеты тарафыннан йортның керү урынын төзекләндерү эшләре башкарылган (№7024508);
- Алабуга районы башкарма комитеты тарафыннан Алабуга шәһәренең Мәрҗани урамындагы шәһәр сәхнәсенең канәгатьләнерлек булмаган торышы турындагы хәбәрнамәне карау кысаларында такталарны буяу һәм алыштыру эшләре башкарылды. Автор хәбәр иткәнчә, сәхнә черегән, сәхнәгә илтүче металл баскыч коррозия белән капланган һәм озак вакыт буялмаган (№ 6938646);
- “Халык контроле” ТР Дәүләт мәгълүмат системасына Бөгелмәнең Ярослав Гашек урамындагы ЗАГС бүлеге бинасы түбәсендә үскән үсемлекләрне бетерү кирәклеге турында хәбәр килде. Бөгелмә районы башкарма комитеты ике атна эчендә эшләрне башкарды. (№ 7092070);
- Яр Чаллы шәһәренең «Автомобиль юллары предприятиесе» МУП халыкның аз хәрәкәтләнүче төркемнәрен уңайлы хәрәкәтләндерү өчен Яр Чаллы шәһәренең Шамил Усманов урамындагы бордюрның биеклеген киметү турында хәбәрнамәне үтәде (№6921032).
Узган атнада Татарстан Республикасында яшәүчеләр «Халык контроле» системасына түбәндәге категорияләр буенча мөрәҗәгатьләр тапшырдылар:
✔ ️ “Территорияне комплекслы төзекләндерү” - 1 307;
✔ ️ «Муниципаль юлларны карап тоту һәм ремонтлау» - 1 017;
✔ ️ «Тышкы яктыртуны оештыру» – 420;
✔ ️ «Юл хәрәкәтен оештыру» – 326;
✔ ️ "Йортны карап тоту" – 274.
Сез «Халык контроле» системасына «Халык контроле» мобиль кушымтасы ярдәмендә яисә ТР Дәүләт хезмәтләре порталында гариза биреп, шулай ук бердәм дәүләт һәм муниципаль хезмәтләр порталы аша кире элемтә платформасына хәбәр җибәреп, республикабызда яшәүчеләрнең тормыш шартларын яхшыртуга үз өлешегезне кертә аласыз.