Хөкем ителүчеләрнең хокукларын үтәүгә бәйле мөрәҗәгатьләр буенча эшне дәвам итәбез
Хөкем ителүчеләрнең хокукларын үтәүгә бәйле мөрәҗәгатьләр буенча эшне дәвам итәбез. Татарстан Республикасында Кеше хокуклары буенча вәкаләтле вәкил Аппараты хезмәткәре Азат Хөсәенов һәм безнең ярдәмчебез Гөлия Балафендиева хөкем ителүчеләрнең берсенең әнисе мөрәҗәгате белән бәйле рәвештә Менделеевск шәһәрендә Россия Җәзаларны үтәтү федераль хезмәтенең Татарстан Республикасы буенча идарәсенең 10 нчы төзәтү колониясендә булдылар.
Хөкем ителүченең үзе белән әңгәмә уздырганнар, аның барышында тоту шартларының закон таләпләренә туры килүе ачыкланган, ә мөрәҗәгатьтә күтәрелгән мәсьәлә бары тик медицина ярдәменә генә кагылган. Аңа тар белгечләргә мөрәҗәгать итү тәртибен җентекләп аңлатканнар.
Визит вакытында табиб кабул итүендә булган башка хөкем ителүчеләр, шулай ук пенсионерлар өчен бинада булган затлар һәм инвалидлар белән аралашканнар. Хөкем ителүчеләрнең мәсьәләләре нигездә хөкем карарларына шикаять белдерүгә һәм төрле инстанцияләргә мөрәҗәгатьләрне җибәрү тәртибенә кагылган.
Хөкем ителгәннәрдән тоту һәм туклану шартларына шикаятьләр килмәгән.