Мөрәҗәгать уңай хәл ителде!
Мөрәҗәгать уңай хәл ителде!
Күптән түгел минем адреска махсус хәрби операция кысаларында контракт буенча хезмәт узучы гражданин Д.ның хатыны мөрәҗәгать итте. Сугыш вакытында гражданин Д. вакытлыча икенче хәрби частька алына, бу хакта командование вакытында хәбәр итми. Шуңа бәйле рәвештә хезмәт урыны буенча аны ялгыш хәбәрсез югалган дип таныдылар, ә акчалата түләү оклад дәрәҗәсенә кадәр чикләнде.
Гражданин Д.озакламый үз частена кайтып, хезмәтен дәвам итсә дә, түләүләрне торгызу озакка сузылды. Хәбәрсез югалган статусын алу турындагы тиешле боерык чыкса да, РФ Оборона министрлыгының Камчатка крае буенча финанс тәэмин итү идарәсенә тәкъдим ителмәде. Моннан чыгып, хәрби хезмәткәр тулы күләмдә акчалата тәэмин ителү мөмкинлегеннән мәхрүм ителгән.
Мин кичекмәстән Камчатка краенда Кеше хокуклары буенча вәкаләтле вәкил, РФ Оборона министрлыгының Камчатка крае һәм Чукотск автоном округы буенча финанс тәэмин итү идарәсе һәм хәрби часть командиры адресына гражданин Д.га тулы күләмдә акчалата тәэмин итү буенча чаралар күрү үтенече белән мөрәҗәгать иттем.
Алынган мәгълүматларга караганда, түләүләр кире кайтарылган. Тиешле боерык белән хәрби хезмәткәр хәбәрсез югалганнар категориясеннән чыгарылган, ә барлык тиешле акчалар билгеләнгән исәп-хисап чорында хәрби хезмәткәргә күчереләчәк.
Хәрбиләр көн саен үз гомерләрен куркыныч астына куялар, һәм безнең бурыч - аларның хокукларын һәм законлы мәнфәгатьләрен яклауны тәэмин итү, бигрәк тә түләүләр һәм социаль гарантияләр кебек сизгер мәсьәләләрдә!
(Фотосурәт ясалма интеллект ярдәмендә ясалган).