Безнең Аппаратта хәрби хезмәткәрләрнең хокукларын яклау һәм аларга ярдәм итү мәсьәләләре буенча телефон “кайнар элемтәсе” узды
Бүген хәрби бурычларны үтәүчеләрнең хокукларын яклауны тәэмин итү һәм аларның якыннарына ярдәм күрсәтү бик мөһим.
Безнең Аппаратта хәрбиләрнең хокукларын яклау һәм аларга ярдәм итү мәсьәләләре буенча телефон “кайнар элемтәсе” узды. Аны үткәрү барышында республиканың төрле районнарыннан гражданнардан 50 шалтырату килгән.
Кешеләр төрле сораулар белән мөрәҗәгать иттеләр: акчалата түләүләр, “Батырлар” программасында катнашу, командирларның гаилә хәле буенча хезмәттән азат итүдән баш тартуына шикаять белдерү, бушлай җир кишәрлеге бирү, хәбәрсез югалган хәрбиләрнең статусын билгеләү.
Шулай ук махсус хәрби операциядә катнашуны раслаучы документлар алу, балага алимент түләтү, медицина тикшерүенә юлламалар, пенсия түләүләрен рәсмиләштерү, хәрби-табиб комиссиясе карарына шикаять бирү, әсирлектән азат итүдә ярдәм күрсәтү темалары күтәрелде.
Һәрбер мөрәҗәгать буенча квалификацияле консультация оештырылды. Кайбер мәсьәләләр иң кайнар элемтә барышында хәл ителде, икенчеләре эшкә алынды.
Хәрби хезмәткәрләргә һәм аларның гаиләләренә ярдәм минем шәхси контролемдә кала.