Алексеевск муниципаль районына эш сәфәре кысаларында "Алексеевск үзәк район хастаханәсендә" булу

2025 елның 6 марты, пәнҗешәмбе

Алексеевск муниципаль районына эш сәфәре вакытында мин шулай ук “Алексеевск үзәк район хастаханәсе”ндә булдым һәм төрле кире элемтә каналлары аша гражданнар мөрәҗәгатьләре белән эшләүгә игътибар иттем.

Поликлиникада булганда пациентларны кабул итүне маршрутлаштыру мәсьәләсен җентекләп тикшерергә, шулай ук тар белгечләргә язылуны оештырырга кирәклеген билгеләп үттем. Халык мөрәҗәгать итә торган мәсьәләләр буенча фикер алышу барышында медицина ярдәмен тагын да уңайлырак итү өчен мобиль поликлиниканың эш графигын үзгәртү мөмкинлеген карарга тәкъдим ителде.

Сәламәтлек саклау системасын гражданнар өчен уңайлырак һәм аңлаешлырак итү өчен кешеләрне ишетергә һәм аларның сорауларына оператив җавап бирергә кирәк.