“Халык контроле” системасында эш
«Халык контроле» ТР дәүләт мәгълүмат системасында мөрәҗәгатьләрне карау сыйфатын яхшырту максатында Вәкаләтле вәкил Аппараты хезмәткәрләре көн саен системага керүче мөрәҗәгатьләр мониторингын үткәрә.
Узган атнада системада 2 682 мөрәҗәгать бастырылган, шуларның 1 029 буенча чаралар күрелгән.
Гадәттәгечә сезгә «Халык контроле» ТР дәүләт мәгълүмат системасы аша җаваплы башкаручылар тарафыннан килгән мәсьәләләрне оператив хәл итү мисаллары турында сөйлисем килә:
✅”Казан шәһәренең парклар һәм скверлар дирекциясе” Казан шәһәренең Кабан күле яр буендагы суны аэрацияләү өчен насослар ремонтлады (№ 6737197);
✅”Бумажник” торак идарәсе” ҖЧҖ Чаллы шәһәренең 10/1 номерлы йортының түбәсен кардан һәм боздан чистарту эшләрен башкарды (№6734648);
✅ "ГУАД" МУП Әлмәт шәһәренең Толстой урамында “берьяклы хәрәкәтле юлга чыгу” юл билгесе куйды (№ 6735968);
✅"Главтатдортранс" ДКУ Лениногорск районының Зеленая Роща авыл җирлегендә автомобиль юлы чокырларга ремонт ясады(№ 6728053);
✅Баулы районы башкарма комитеты Горная урамындагы урам яктырту фонарен ремонтлады (№6742344).
Узган атнада Татарстан Республикасында яшәүчеләр иң актив рәвештә түбәндәге категорияләр буенча мөрәҗәгать иттеләр:
📍”Территорияне комплекслы төзекләндерү” – 681;
📍”Кышкы чорда урам-юл челтәре объектларын карап тоту” - 520;
📍”Йортны тоту” - 298;
📍”Муниципаль юлларны карап тоту һәм ремонтлау” - 222;
📍”Тышкы яктыртуны оештыру” - 175.
Сез «Халык контроле» системасына «Халык контроле» мобиль кушымтасы ярдәмендә яисә ТР Дәүләт хезмәтләре порталында гариза биреп кенә республикабызда яшәүчеләрнең тормыш сыйфатын күтәрүгә һәм яшәү шартларын яхшыртуга үз өлешегезне кертә аласыз.