Мөрәҗәгать уңай хәл ителгән!
Безнең Аппаратның төп бурычы - кешеләргә ярдәм итү. Без һәрвакыт гражданнарның мөрәҗәгатьләренә оператив җавап бирергә тырышабыз, бигрәк тә алар кичекмәстән ярдәм таләп итә торган катлаулы тормыш хәлләренә кагылса.
Күптән түгел безгә Әлмәт шәһәрендә яшәүче гражданка А.мөрәҗәгате килде. Гражданка А.үзенең сәламәтлеге белән бәйле авыр вәзгыять турында сөйләде: үз йорты подъезды янында егылу нәтиҗәсендә ул җитди җәрәхәтләр алган - муен умырткасын һәм арт санын авырттырган. Гражданка А., 2 группа инвалид буларак, даими авырый һәм бары тик тормыш иптәше ярдәмендә генә хәрәкәт итә. Тернәкләндерү өчен кирәкле дарулар һәм җиһазлар сатып алуга гариза бирүчедә акча булмаган.
Без «Татнефть» җәмгыятенә мөрәҗәгать юлладык, предприятие ел саен авыр тормыш хәлендә калган гражданнарга ярдәм күрсәтә. Нәтиҗәдә гражданка А.га 50 мең сум күләмендә хәйрия ярдәме күрсәтү турында карар кабул ителде. Алынган акчалар дару препаратлары һәм өй шартларында дәвалану өчен кирәкле терапевтик җайланмалар сатып алырга мөмкинлек бирәчәк.
Без «Татнефть» җитәкчелегенә һәм коллективына битараф булмаганнары һәм ярдәмнәре өчен чын күңелдән рәхмәт белдерәбез. Нәкъ менә уртак тырышлык белән без кешеләрнең тормышын уңайлырак һәм куркынычсызрак итә алачакбыз!