Мөрәҗәгать уңай хәл ителгән!
Безнең Аппаратка Татарстанда яшәүчеләрдән үз хокукларын бозуга юлыккан йөзләрчә кешеләрдән мөрәҗәгатьләр килә. Һәм безнең бурыч-тыңлау гына түгел, ә реаль ярдәм күрсәтү.
Миңа мошенниклар гамәлләре аркасында авыр тормыш хәленә эләккән гражданка Е. мөрәҗәгать итте. Узган елның җәендә үк гражданка Е. мошенниклык корбаны булган. Билгесез затлар мөрәҗәгать итүченең шәхси аккаунтын ватып, аның исеменә дистанцион рәвештә берничә кредит рәсмиләштергән. Кызганычка каршы, беренчел тикшерү туктатылды -полиция җинаятьчеләрнең шәхесен ачыклый алмады. Бу гаделлек барыбер җиңеп чыкмады дигәнне аңлата, ә гражданка Е. үзе аны алдау юлы белән тагылган бурыч йөкләмәләре белән ялгызы гына кала.
Бу катлаулы вәзгыятьтә без прокуратурага әлеге мөрәҗәгатьне карау үтенече белән мөрәҗәгать иттек. 2024 елның 26 сентябрендә беренчел тикшерү яңадан башланды, ә Казан шәһәре прокуратурасы вәзгыятьне аерым контрольгә алды. Моннан тыш, 2024 елның 21 октябрендә Яңа Савин районы прокуратурасы «Савиново» 6 нчы полиция бүлеге башлыгына җинаять-процессуаль законнарны бозуларны бетерү турында таләп юллаган.
Бу тарих - без көн саен очраша торган бик күпләрнең берсе генә. Безнең ишекләр ярдәмгә мохтаҗ һәркем өчен ачык.