Узган атнада "Халык контроле" дәүләт мәгълүмат системасында эш

«Халык контроле» ТР дәүләт мәгълүмат системасында мөрәҗәгатьләрне карау сыйфатын яхшырту максатында  Вәкаләтле вәкил Аппараты хезмәткәрләре көн саен системага керүче мөрәҗәгатьләр мониторингын үткәрә.

Узган атнада системада 5 017 мөрәҗәгать бастырылган, шуларның 1 545 буенча чаралар күрелгән.

Гадәттәгечә сезгә «Халык контроле» ТР дәүләт мәгълүмат системасы аша җаваплы башкаручылар тарафыннан килгән мәсьәләләрне оператив хәл итү мисаллары турында сөйлибез:

Чаллы шәһәренең Үзәк районы администрациясе тарафыннан Чаллы шәһәренең 56/24А номерлы торак йорты ишегалдында чокырларга ремонт ясалды (№ 6444405);

Казан шәһәренең Совет районы администрациясе тарафыннан Казан шәһәренең Олонецкая урамындагы 4а номерлы торак йортның 3 нче подъезды яктыртылды (№ 6471960);

Биектау районы башкарма комитеты Биектау районы Бимәри авылының Песочная урамындагы бинадан авария хәлендәге түбә кыегын сүтте (№6502420);

«ГУАД» МУП Әлмәт шәһәренең Тельман урамындагы җәяүлеләр кичүендә  юл билгеләре ясау буенча эшләр башкарды (№ 6489100).

Узган атнада Татарстан Республикасында яшәүчеләр иң актив рәвештә түбәндәге категорияләр буенча мөрәҗәгать иттеләр:

«Территорияне комплекслы төзекләндерү " - 569;

"Муниципаль юлларны карап тоту һәм ремонтлау" - 231;

«Тышкы яктыртуны оештыру " - 137;

«Юл хәрәкәтен оештыру " - 129;

«Йортны карап тоту " - 86.

Сез «Халык контроле» системасына «Халык контроле» мобиль кушымтасы ярдәмендә яисә ТР Дәүләт хезмәтләре порталында гариза биреп кенә республикабызда яшәүчеләрнең  тормыш  сыйфатын күтәрүгә һәм яшәү шартларын яхшыртуга үз өлешегезне кертә аласыз.