Татарстан Республикасында Кеше хокуклары буенча вәкаләтле вәкил Сәрия Сабурская өлкән яшьтәге гражданнар тотыла торган ике шәхси пансионатта булды
Татарстан Республикасында Кеше хокуклары буенча вәкаләтле вәкил Сәрия Сабурская өлкән яшьтәге гражданнар тотыла торган ике шәхси пансионатта булды
Кичә республиканы мөмкинлекләре чикләнгән өлкәннәр һәм инвалидлар тотылган бина турындагы шаккатыргыч яңалыклар тетрәндерде. Анда тоту шартлары начар иде, прокуратура, оешманы тикшереп, аны ябуны таләп итте. Хәзерге вакытта тикшерү бара.
Россия Федерациясе Гаилә кодексының 87 һәм 88 статьялары нигезендә балигъ булган балалар үзләренең ярдәмгә мохтаҗ, хезмәткә сәләтсез ата-аналарын карарга һәм алар турында кайгыртырга тиеш. Шунысын да билгеләп үтәсе килә, Татарстан Республикасында өлкәннәр һәм инвалидлар өчен 34 учреждение эшли, шуларның 6сы психик тайпылышлы гражданнар өчен, 26 интернат-йорт өлкәннәр һәм инвалидлар өчен, 2се билгеле бер яшәү урыны булмаган кешеләр өчен, аларда 5 меңгә якын кеше яши.
Бүген Татарстан Республикасында Кеше хокуклары буенча вәкил Сәрия Сабурская өлкән яшьтәге гражданнар тотыла торган ике шәхси пансионатта булды: «Гармония йөрәге» һәм «Милена». Сәфәр барышында Татарстан омбудсмены яшәүчеләр, персонал, шулай ук пансионатлар җитәкчелеге белән сөйләште. Хәзерге вакытта «Милена» да 72 кеше яши, «Гармония йөрәге» ндә - 102. Тоту шартлары канәгатьләнерлек, чисталык, туклануга һәм яшәү шартларына шикаятьләр әйтелмәгән. Өлкән яшьтәге гражданнарны монда чыннан да карыйлар һәм кирәкле ярдәмне күрсәтәләр.
«Без барыбыз да төрле тормыш хәлләрендә калабыз, интернат-йортларда яшәүчеләр дә бар", - дип фикерләре белән уртаклашты Сәрия Сабурская.
Интернатларның шәхси йортлары эшчәнлегенә мониторинг якын арада дәвам итәчәк, ә нәтиҗәләр буенча кызыксынган министрлыклар һәм ведомстволарны җәлеп итеп түгәрәк өстәл уздыру планлаштырыла.
