Узган атнада "Халык контроле" ТР дәүләт мәгълүмат системасында эш

 «Халык контроле» ТР дәүләт мәгълүмат системасында белдерүләрне карау сыйфатын яхшырту максатында Вәкаләтле вәкил Аппараты хезмәткәрләре көн саен системага керүче хәбәрнамәләр мониторингын үткәрә.

Узган атнада системада 4 645 мөрәҗәгать бастырылган, шуларның 1 469 буенча чаралар күрелгән.

Гадәттәгечә сезгә «Халык контроле» ТР дәүләт мәгълүмат системасы аша җаваплы башкаручылар тарафыннан килгән мәсьәләләрне оператив хәл итү мисаллары турында сөйлисем килә:

Тышкы төзекләндерү комитеты тарафыннан Казан шәһәренең Ямашев проспектындагы җәяүлеләр өчен җир асты кичүендә яктырту торгызылды (№6458632);

Түбән Кама районы башкарма комитеты тарафыннан Түбән Кама шәһәренең Урман урамындагы 5 нче йорт ишегалдында кече архитектура формасы урнаштырылды (№6457871);

Бөгелмә районы башкарма комитеты тарафыннан Бөгелмә шәһәренең 6 нчы балалар бакчасы янында печән чабылды(№6453569 );

Яр Чаллы шәһәренең Автозавод районы администрациясе тарафыннан Яр Чаллы шәһәренең 27/25а номерлы  торак йорты ишегалдындагы парковканың юл билгеләрен яңарту эшләре башкарылды(6448194 номерлы).

Узган атнада Татарстан Республикасында яшәүчеләр иң актив рәвештә түбәндәге категорияләр буенча мөрәҗәгать иттеләр:

 "Территорияне комплекслы төзекләндерү" - 499;

 "Муниципаль юлларны карап тоту һәм ремонтлау" - 198;

 “Йортны карап тоту” - 145;

 “Тышкы яктыртуны оештыру” – 96;

 “Юл хәрәкәтен оештыру” – 87.

Сез «Халык контроле» системасына «Халык контроле» мобиль кушымтасы ярдәмендә яисә ТР Дәүләт хезмәтләре порталында гариза биреп кенә республикабызда яшәүчеләрнең  тормыш сыйфатын күтәрүгә һәм яшәү шартларын яхшыртуга үз өлешегезне кертә аласыз.