Татарстан Республикасы буенча Эчке эшләр министрлыгы вәкиле белән берлектә урынга бару
Квартал саен Вәкаләтле вәкил Аппараты хезмәткәре Татарстан Республикасы буенча Эчке эшләр министрлыгы вәкиле белән берлектә Россия Эчке эшләр министрлыгының Татарстан буенча территориаль органнары мәҗбүри тоту урыннарында затларны тоту шартларын тикшерә.
Бу юлы Россия Эчке эшләр министрлыгының Баулы, Ютазы, Бөгелмә, Әлмәт һәм Лениногорск районнары буенча бүлекләрендә булдылар.
Россия Эчке эшләр министрлыгының Татарстан Республикасы буенча махсус учреждениеләрендә тотылган гражданнарның хокукларын яклау максатыннан төп вакыт үтә торган камералар гына түгел, ә тикшерү бүлмәләре, душ бүлмәләре, йөрү ишегаллары, очрашу бүлмәләре, хәтта әйберләр саклау урыннары да каралды. Шулай ук тикшерү вакытында өч тапкыр кайнар ризык, кер юу һәм башка хезмәтләр оештыру турында килешүләр каралды. Әлбәттә, районнарга һәм бүлекләргә йөргәндә, хезмәткәрләр гражданнар белән әңгәмәләр үткәрделәр, чөнки шартларны карап чыгу һәм өйрәнү генә түгел, ә гражданнарның үз фикерләрен белү дә кирәк. Шатлыклы яңалык - тоту шартларына шикаятьләр булмау. Һәм шул ук вакытта тотылучыларның хокуклары бозылуы турында хәбәрләр дә булмады.
Урында булу һәм объектив бәяләү формалаштыру өчен, үз күзләрең белән күрү, анда көн саен булган кешеләр белән сөйләшү мөһим. Бу кварталда тикшерү тәмамланды, хезмәткәрләр уңай яңалыклар белән кайталар.
Ләкин эш тиздән дәвам итәчәк!