Татарстан Республикасы Дәүләт Советы Президиумы утырышы
Алтынчы чакырылыш Дәүләт Советының илленче утырышы 18 декабрьдә көндезге 10 сәгатьтә булачак. Бүген парламент Президиумы утырышында шундый карар кабул ителде. 19 мәсьәләне карау планлаштырыла, шул исәптән 7 республика закон проекты һәм Дәүләт Советының кайбер карарларын. Парламент җитәкчесе кыскача республикада соңгы вакытта узган мөһим вакыйгалар турында сөйләде. 7 декабрьдә Россия Федерациясе Федераль җыелышының Федерация Советы 2024 елның 17-19 мартына ил Президентын сайлаулар билгеләде, дип искәртте Фәрит Мөхәммәтшин татарстанлыларның традицион активлык күрсәтүләренә һәм Владимир Путин кандидатурасын бертавыштан хуплаячагына ышаныч белдерде.
Илленче утырышта 2024 елга Татарстан Республикасы Дәүләт Советында закон проекты эшенең якынча планын һәм Татарстан Республикасы Дәүләт Советының Россия Федерациясе субъектлары парламентлары, башка дәүләтләр һәм халыкара парламент оешмалары белән хезмәттәшлегенең якынча планын кабул итү планлаштырыла.
Светлана Захарова хәбәр иткәнчә, 2023 елның 30 ноябрендә «Россия Федерациясендә халыкны эш белән тәэмин итү турында» федераль закон кабул ителде, анда инвалидларның хезмәт хокукларын яклауга, күрсәтелгән гражданнар категориясе өчен эш урыннарын квоталау нормаларын киңәйтүгә юнәлдерелгән үзгәрешләр каралган, шул ук вакытта инвалидларны эшкә алу өчен квоталар Россия Федерациясе субъекты икътисадының эшкә урнашу ихтыяҗыннан чыгып билгеләнәчәк. Канун хупланганнан, имзалаганнан һәм рәсми басылып чыкканнан соң Татарстан Республикасы Законына үзгәрешләр кертү таләп ителәчәк.