Чаллы шәһәрендә чит ил гражданнарын вакытлыча тоту үзәгенә бару
Безнең адреска Үзбәкстан Республикасының Казан шәһәрендәге Генераль консулыннан Россия Эчке эшләр министрлыгының Чаллыда урнашкан Татарстан Республикасы буенча гражданнарны вакытлыча тоту үзәгендә булырга чакыру килде.
Эш очрашуының төп сәбәбе - Үзбәкстан Республикасы гражданнарының үзәктә озак вакыт булуы. Очрашуда Үзбәкстан Республикасының Казан шәһәрендәге Генераль Консуллыгының беренче секретаре Разаков Азизбек Хәйит улы катнашты. Ул үз иленең гражданнары белән очрашулар үткәрә. Моннан тыш, очрашуда чит ил гражданнарын вакытлыча тоту үзәге, прокуратура һәм федераль суд приставлары хезмәте вәкилләре катнашты.
Очрашуда каралган төп мәсьәлә - гражданнарны Үзбәкстан Республикасы территориясенә тизрәк кайтару.
Эшлекле очрашу нәтиҗәләре буенча агымдагы вәзгыятькә хокукый анализ ясалачак, ул Үзбәкстан Республикасының Казан шәһәрендәге Генераль консуллыгына тәкъдим ителәчәк.