Татарстан Республикасы Тарифлар буенча дәүләт комитеты эшче штабы утырышында чүп-чарны чыгару проблемасы яңадан каралды
"Без чүп-чарны вакытында чыгармаган барлык урамнар һәм авылларның исемнәрен яттан беләбез инде. Әлеге проблеманы системалы нигездә хәл итәргә, чүплекләр барлыкка килүгә юл куймаска кирәк», – дип билгеләп үтте вәкаләтле аппарат хезмәткәре Нияз Муллагалиев.
15 марттан (штабның узган утырышы вакытында) иң күп шикаятьләр Казан шәһәре буенча килде – 165 хәбәрнамә, Питрәч (36 хәбәрнамә), Лаеш (30 хәбәрнамә) һәм Яшел Үзән районнары (22 хәбәрнамә).
Көн саен барлык хокук бозулар очраклары буенча без «ПЖКХ»УК адресына мөрәҗәгатьләр җибәрәбез. Без республиканың авыл җирлекләрендә чүп-чарны сирәк чыгару проблемасын яңадан күтәрдек. Башкарма комитетлар адресына ТКО вакытлыча чыгару буенча тәкъдимнәр җибәрү турында протокол йөкләмәсе бирелде. Штабның киләсе утырышында бу мәсьәлә җентекләбрәк каралачак.
«Гринта» төбәк операторы эшчәнлеге зонасы буенча Әлмәт һәм Бөгелмә районнарында ТКО чыгару буенча хәл билгеләнде, аннан 15 марттан 19 һәм 18 хәбәрнамә килде. Төбәк операторы якын арада барлык рөхсәтсез чүплекләр бетереләчәк дип ышандырды.