2023 елның 1 гыйнварыннан гражданлык-хокукый шартнамәләр буенча мәшгуль гражданнар вакытлыча эшкә сәләтсезлек очрагына һәм ана булуга бәйле рәвештә мәҗбүри социаль иминиятләштерү хокукын алачаклар
2023 елның 1 гыйнварыннан гражданлык-хокукый шартнамәләр буенча мәшгуль гражданнар вакытлыча эшкә сәләтсезлек очрагына һәм ана булуга бәйле рәвештә мәҗбүри социаль иминиятләштерү хокукын алачаклар. Әлеге категориягә:
- гражданлык-хокук килешүләре буенча эш яки хезмәтбашкаручылар;
- автор заказы килешүләре төзелгән башкаручылар;
- әсәрләргә махсус хокук һәм лицензия килешүе буенча түләүләр ала торган әсәр авторлары.
Гражданлык-хокук шартнамәләре буенча эшләүче затлар хезмәт килешүе буенча эшләүчеләр кебек үк түләүләргә исәп тота алачаклар, болар:
- вакытлыча эшкә яраксызлык буенча пособие;
- йөклелек һәм бала тудыру буенча пособие;
- бала тугач бер тапкыр бирелә торган пособие;
- бала яшь ярымга җиткәнче аны карау өчен айлык пособие.
Пособие алу өчен төп шартлар:
- эш бирүче/клиент һәм граждан арасында гамәлдәге килешү;
- эш бирүчеләрнең узган календарь елында мәҗбүри социаль иминиятләштерү өчен иминият елы бәясеннән ким булмаган күләмдә взнослар түләве.
2022 елда иминият елының бәясе 4833,72 сумга тиң. Пособие күләме соңгы ике календарь ел эчендә уртача хезмәт хакыннан чыгып исәпләнәчәк. Әгәр гражданның узган ике елдагы уртача хезмәт хакы тулы календарь ай өчен минималь хезмәт хакыннан кимрәк икән, пособиеләр минималь хезмәт хакы күләменнән чыгып исәпләнә. Әгәр граждан берничә эш бирүчедә граждан-хокукый килешүләр буенча эшләсә, пособиеләр аңа иминиятләштерүчеләрнең берсе буенча, гражданның үзе теләге буенча түләнә.