Сәламәтлегендә тайпылышлар булган балаларга белем бирү мәсьәләләре буенча түгәрәк өстәл
Бүген инвалидларга һәм аларның хокукларын яклауга багышланган декада башлана. Бу вакытта без инвалидлар һәм мөмкинлекләре чикләнгән кешеләр өчен уңайлы яшәү шартларын тәэмин итү мәсьәләләре буенча фикер алыша алабыз һәм тиешбез.
Бүген Татарстан Республикасы Иҗтимагый палатасы белән берлектә оештырылган «түгәрәк өстәл» кысаларында сәламәтлегендә тайпылышлар булган балаларны укыту һәм тәрбияләүнең актуаль мәсьәләләре турында фикер алыштылар.
Әлеге түгәрәк өстәлне уздыру зарурлыгы турында карар гражданнардан килүче мөрәҗәгатьләрне анализлау, шулай ук мәгариф учреждениеләренә барулар нигезендә кабул ителде. Мондый мөһим мәсьәләләр буенча фикер алышуда катнашкан хезмәттәшләремә рәхмәт белдерәм. Әйе, чыннан да, тема бик мөһим һәм катлаулы, безнең игътибарыбызны таләп итә. Үзенчәлекле балаларны укыту һәм тәрбияләү өчен махсус шартлар гади формальлек түгел. Баланың халәте барлык кирәкле шартларга, аның конституцион хокукларын яклауга бәйле.
Бүген бик күп кызыклы, практик юнәлешле тәкъдимнәр яңгырады, булган проблемаларны хәл итүнең күп формалары һәм ысуллары әйтелде. «Түгәрәк өстәл» кысаларында спикерлар белән шулай ук белем бирү мөнәсәбәтләрен норматив-хокукый көйләү мәсьәләләре дә яңгырады. Әлбәттә, бу безнең беренче һәм соңгы очрашуыбыз түгел, без бу юнәлештә эшне дәвам итәчәкбез.