“Дива” үзәгендә булу

2022 елның 12 мае, пәнҗешәмбе

Кызганычка каршы, еш кына хатын-кызлар да, ә кайчагында ир-атлар да авыр хәлдә калган  очраклар була. Мондый вакытта кешегә һәртөрле ярдәм күрсәтү бик мөһим- бу профессиональ психологик, юридик булсынмы ул, я гади кешелеклелек күрсәтеп, юату булсынмы. 

 Бүген Татарстан Республикасында Кеше хокуклары буенча вәкаләтле вәкил өйдә көч кулланудан зыян күргән хатын-кызларга ярдәм күрсәтү үзәген гамәлгә куючы Динә Вәлиева белән очрашты. Очрашу аларның үзәгендә узды, анда шулай ук тегү цехы эшли, анда яңа белгечлек алырга һәм  финанс бәйсезлеге алырга теләгән кызлар һәм хатын-кызлар укый һәм эшли.