Казан дәүләт медицина университеты белән хезмәттәшлек кысаларында Татарстан Республикасында Кеше хокуклары буенча вәкаләтле вәкил Аппаратының “Халык контроле” дәүләт мәгълүмат системасыннан кулланучылар белән эшләү бүлеге начальнигы социаль эш факультеты студентларын “Халык контроле” системасы эше белән таныштырды.
Лекциядә системаның төп эш принциплары турында сөйләделәр. Системаның баш модераторы – Татарстан Республикасында Кеше хокуклары буенча вәкаләтле вәкилнең роле күрсәтелде. Гражданнарның мөрәҗәгатьләрен карау конкрет мисаллар аша яктыртылды.