Татарстан омбудсманы «Халык контроле» дәүләт мәгълүмат системасында гражданнарның һәм башкаручыларның үзара хезмәттәшлеге турында мәгълүмат белән чыгыш ясады

2015 елның 15 маенда Татарстан Республикасында Кеше хокуклары буенча вәкил Сәрия Сабурская  «Дәүләт (муниципаль) финанс контроле үсеше. Законнар, практика, институтлар» дигән темага  Икенче фәнни-практик конференциядә катнашты. Чара программасына ярашлы рәвештә, «Контроль-күзәтчелек эшчәнлеген тормышка ашырганда  җәмәгать оешмалары белән үзара хезмәттәшлек» секциясендә «Халык контроле» ТР дәүләт мәгълүмат системасында  гражданнарның һәм башкаручыларның үзара хезмәттәшлеге  мәсьәләсе буенча чыгышы тыңланды.