Татарстан Республикасында кеше хокуклары буенча вәкил

Виней Салдана: СПИД эпидемиясен бетерү буенча Россиянең беренче төбәге булырга Татарстанның бөтен мөмкинлекләре бар

2015 елның 15 апреле, чәршәмбе

Татарстанның якындагы өч елда СПИД эпидемиясен бетерү өчен барлык мөмкинлекләре бар. Бу хакта бүген ТР Премьер-министры Илдар Халиков белән очрашуда Көнчыгыш Европада һәм Үзәк Азиядә ЮНЭЙДС төбәк офисы директоры Виней Салдана белдерде. Очрашу ТР Хөкүмәте йортында узды.

Искә төшерәбез, ЮНЭЙДС ВИЧ һәм СПИД эпидемиясе һәм аның нәтиҗәләре белән һәрьяклап көрәшү өчен булдырылган БМО оешмасы булып тора.

Кунакларны сәламләп, Илдар Халиков, ЮНЭЙДС кебек оешмалар ярдәмендә, кешеләр, ә беренче чиратта яшьләр, сәламәтлек, ВИЧ һәм СПИДны кисәтү мәсьәләләренә игътибар бирә, дип билгеләде.

ТР Премьер-министры ассызыклаганча, бүген Казанда Спортның су төрләре буенча Дөнья чемпионатына нәкъ 100 көн калды. Зур халыкара ярышлар үткәрү кысаларында, ЮНЭЙДС 21гасыр афәтенә каршы көрәшне пропагандалау мәсьәләләрендә Татарстан белән актив хезмәттәшлек итә, - дип искә төшерде Илдар Халиков.
“Сез СПИД ны кисәтү һәм иртәрәк ачыклау буенча зур эш алып барасыз. Шул исәптән Татарстанда да. Гражданнар ВИЧ-инфекция буенча тест үткәрүне алар өчен бик кирәк һәм мөһим булуын аңлыйлар”, - диде ТР Премьер-министры.

Виней Салдана ТР Премьер-министрына каршы алулары өчен рәхмәт белдерде һәм ЮНЭЙДС оешмасы Татарстан белән беренче елын гына хезмәттәшлек итми, шул исәптән мөһим халыкара спорт ярышларын уздыру вакытында, дип өстәде.
“Мин Россиядә бу өлкәдә 20 ел эшлим. Татарстандагы кебек квалификацияле һәм югары дәрәҗәдә эш оештырылуын күргәнем юк әле. Республикада ВИЧ-инфекциялеләрне ачыклау чыннан да ешрак очрый. Әмма монда дәвалау Россиянең башка төбәкләре белән чагыштырганда иң яхшы дәрәҗәдә”, - диде Виней Салдана.

Виней Салдана Татарстанның СПИД проблемасын тулысынча хәл итә алырлык Россия төбәкләренең берсе булуына ышаныч белдерде. Бу якындагы өч елда тормышка ашарга мөмкин.

Бүгенге көндә Россиядә 700 дән артык СПИД белән авыручы дәвалауга мохтаҗ. Андый авыруны дәвалау өчен бер елга уртача 70 меңнән 300 меңгә кадәр акча кирәк. Ә 10 ел элек дәвалау бәясе 1 млн. сумнан югары иде. “Без фармацевтика компанияләре белән бик күп сөйләшүләр алып бардык. Бүген бу эшнең нәтиҗәсен күзәтә алабыз”, - диде Виней Салдана.

Очрашуда шулай ук ТР Министрлар Кабинетының сәламәтлек, спорт һәм сәламәт яшәү рәвешен формалаштыру мәсьәләләре буенча идарә башлыгы Гүзәл Шакирова, ТРда Кеше хокуклары буенча вәкаләтле вәкил Сәрия Сабурская, ТР сәламәтлек саклау министры урынбасары Фәридә Яркаева, ТР яшьләр эшләре һәм спорт министрының беренче урынбасары Хәлил Шәйхетдинов һ.б. катнашты.

БАРЛЫК ЯҢАЛЫКЛАРНЫ УКУ