“Призывникларның хокуклары” дигән хокукый белемнәр мәктәбенең зона дәресе булды.

2015 елның 26 марты, пәнҗешәмбе
Әлмәт политехника техникумында Татарстанда кеше хокуклары өчен вәкаләтле каршындагы “Призывникларның бхокуклары” дигән хокукый белемнәр мәктәбенең зона дәресе булды. Чарада Татарстанда кеше хокуклары өчен вәкаләтле Сәрия Сабурская, ТР хәрби комиссары генерал-майор Сергей Погодин һәм ӘМР башкарма комитеты җитәкчесе вазифаларын башкаручы Айрат Хәйруллин катнашты.

Әлмәт, Мөслим, Чирмешән, Азнакай , Актаныш һәм Сарман районнарыннан җыелган армиягә чакырыласы егетләрне Айрат Хәйруллин сәламләде. “Һәр ир-егетнең дә Ватан каршындагы бурычын түләү, Россия Федерациясе Кораллы Көчләрендә хезмәт итү вакыты җитә, - диде ул. – Армия ул ирлек сыйфатлары, рух көче тәрбияләнә, характер чыныга торган урын. 1 апрельдән язгы чаквру комиссиясенең эше башлана, һәм мин егетләрне гражданлык бурычларын үтәп кайтырга чакырыр идем”.

Хокукый белемнәр мәктәбе зона дәресләрен инде бишенче ел үткәрә. Сәрия Сабурская бу чараларның максаты армиягә барасы егетләргә хокукый мәгълүматлар бирү, армиягә алыну һәм хәрби хезмәт үтү тәртипләрен аңлату икәнен сөйләде. Росия армиясе, анда хезмәт итү шартлары турында Сергей Погодин тәфсилләбрәк аңлатты.
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Вәкаләтле вәкил
Документлар
Матбугат хезмәте
Интернет кабул итү бүлмәсе
Адрес: 420015, Казан шәһәре, К.Маркса урамы, 61
Телефон: (843) 236-41-80 (приемная)
E-Mail: tat.ombudsman@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International