Булачак пенсионерлар өчен октябрьдән нәрсә үзгәрә? (“Российская газета”, №195. 28 август 2014 ел)

Сентябрь уртасына кадәр хөкүмәт  тупланма пенсия мәҗбүри  дәүләт иминиятенең  бер өлеше булып калачакмы, шуны хәл итәргә тиеш. Яки алга таба  тупланма пенсияләр  ирекле булачакмы, монысы  һәр кешенең үз эше – әгәр туплый икән, өстәмә взнослар түләргә кирәк булачак.   Хезмәт һәм социаль яклау  министрлыгы пенсия системасында  тупланма өлешне  иреклегә калдыру яклы. Хөкүмәтнең икътисадый блогы – Финанс министрлыгы һәм Икътисадый үсеш  министрлыгы  – пенсия тупланмаларының мәҗбүри тәртибен калдырырга кирәк дип исәпли, шул вакытта гына бу акчалар  икътисадны үстерүгә юнәлтергә мөмкин булган  сизелерлек финанс өлешен тәшкил итәләр.