“Батырлар. Татарстан Геройлары” программасы эшендә катнаштым
«Идел» яшьләр үзәгендә “Батырлар. Татарстан геройлары” программасының көндезге модулендә катнаштым. Безнең эштә кулланыла торган халык белән кире элемтә системасы турында сөйләдем.
Бүген гражданнар белән хезмәттәшлек итү өчен берничә төп инструмент кулланыла: «Халык контроле» ТР дәүләт мәгълүмат системасы, «Дәүләт хезмәтләре. Бергә хәл итәбез” кире элемтә платформасы. (ПОС), шулай ук «Инцидент-менеджмент» системасы. Очрашу барышында аларның эш принципларына, мөрәҗәгатьләрнең төп категорияләренә, системада катнашучыларга һәм гражданнар мөрәҗәгатьләрен карау тәртибенә җентекләп тукталдым.
2025 елда «Халык контроле» дәүләт мәгълүмат системасында 89 186 мөрәҗәгать басылып чыкты, бу алдагы ел белән чагыштырганда 10% ка кимрәк. Система эшләгән бөтен вакыт эчендә 752 меңгә якын белдерү урнаштырылган, 688417 белдерү буенча чаралар күрелгән. 2025 елда ПОС аша гражданнардан 96 685 мөрәҗәгать һәм хәбәр кергән, бу узган ел белән чагыштырганда 3% ка кимрәк.
Эштә мөрәҗәгатьләрнең сыйфатын һәм үтәлеш срокларын тикшереп торуга аерым игътибар бирелә. Ел дәвамында төбәк белән идарә итү үзәгенең проект офисы утырышы, шулай ук Вәкаләтле вәкил аппаратында һәм республиканың муниципаль берәмлекләрендә 43 эш киңәшмәсе уздырылды. Моннан тыш, Аппарат хезмәткәрләре көн саен килгән хәбәрнамәләргә мониторинг үткәрә. Тиешсез статуслар, нигезсез озак сроклар яки эшләрнең сыйфатсыз башкарылуы ачыкланган очракларда, мөрәҗәгатьләр җитешсезлекләрне бетерү өчен эшкә кайтарыла.