Җәмәгатьчелек ярдәмчеләре эше: республика районнарында атна йомгаклары

2025 елның 27 сентябре, шимбә

Узган атнада Татарстан Республикасында Кеше хокуклары буенча вәкаләтле вәкилнең җәмәгатьчелек ярдәмчеләре республиканың төрле районнарында киң колачлы эш алып бардылар.

• Лениногорск районында «Эшлекле дүшәмбе» дә сигез айда башкарылган эшләр турында доклад белән чыгыш ясадылар һәм «Халык контроле»ТР Дәүләт мәгълүмат системасы аша кергән гражданнарның мөрәҗәгатьләрен  үтәүне анализладылар.
• Баулы районында «Ватанны саклаучылар» дәүләт фонды филиалының социаль координаторы белән бергә  махсус хәрби операциядә һәлак булучыларның балаларының хәлен белделәр, аларга күчтәнәчләр бирделәр һәм опекуннар белән сөйләштеләр.
• Әтнә районында Әтнә елгасы яр буен төзекләндерү концепциясе буенча иҗтимагый фикер алышуда катнаштылар.
• Әлки районында Базарлы Матакның Нәби Дәүли исемендәге гимназиясен тәмамлаган, махсус хәрби операциядә катнашкан Илнар Тәлгать улы Кыямовка мемориаль такта ачуда катнаштылар. Моннан тыш, безнең яклаучылар өчен чираттагы гуманитар йөк җыелды.
• Ютазы районында берьюлы ике мөһим вакыйгада катнаштылар - капиталь ремонттан соң район мәдәният йорты һәм яңа туган якны өйрәнү музее ачылуда.
• Актаныш районында ирекле халык дружинасы рейдында катнаштылар, яшүсмерләр белән профилактик әңгәмәләр үткәрделәр, халык белән аңлату эшләре алып бардылар.
• Кама Тамагы, Питрәч, Тукай, Арча, Ютазы, Буа һәм Әлки районнарыннан ярдәмчеләребез Татарстан Республикасы район Советларының оештыру утырышларында катнаштылар, анда муниципалитет башлыкларын сайлаулар узды.
• Җәмәгатьчелек ярдәмчеләре шулай ук Бөтенроссия Бердәм бушлай юридик ярдәм күрсәтү көнендә катнаштылар, анда гражданнарга ярдәм күрсәттеләр, аларга сорауларны аңлаттылар.

Җәмәгатьчелек ярдәмчеләребезгә зур хезмәтләре, җаваплылыклары һәм битараф булмаганнары өчен чын күңелдән рәхмәт белдерәсем килә! Сезнең эшегез нәтиҗәсендә без чыннан да кирәк булган урыннарда кешеләргә ярдәм итә алабыз.