Җәмәгатьчелек ярдәмчеләре эше: районнарда атналык эш нәтиҗәләре

2025 елның 20 сентябре, шимбә

Безнең җәмәгатьчелек ярдәмчеләребез урыннарда актив эшлиләр, гражданнарга ярдәм итәләр һәм районнар һәм республика өчен мөһим вакыйгаларда катнашалар.

• Әйтик, Казанда безнең җәмәгатьчелек ярдәмчебез Гөлия Балафендиева Kazan Digital Week Халыкара форумында катнашты.
• Әгерҗе районында “Кеше приюты” “социаль тернәкләндерү үзәге”  коммерциячел булмаган оешмасы түләүсез туклану пунктын ачу тантанасында булдылар.
• Әлки районында «Ярдәм яңәшә» штабы утырышында катнаштылар, анда гражданнарның махсус хәрби операциядә катнашучыларның гаиләләренә ярдәм күрсәтү буенча өч мөрәҗәгате каралды. Моннан тыш, Нәби Дәүли исемендәге Базарлы Матак гимназиясенең Дмитрий Чумаков исемендәге Яшь Армия отряды белән берлектә махсус хәрби операциядә катнашучыларның әниләренә территорияләрне җыештыруда булыштылар.
• Кама Тамагы һәм Питрәч районнарыннан җәмәгатьчелек ярдәмчеләре Татарстан Республикасы Рәисе вазыйфасына керешү тантанасында катнаштылар.
• Актаныш районында масштаблы спорт чарасы - «Татарстан кроссы-2025» узды. Безнең ярдәмчебез 800 метрга VIP-йөгерүдә катнашып кына калмады, 1 нче урынны да алды, без аны шуның белән котлыйбыз! Тагын бер сәбәп -аның Актаныш авыл Советы депутаты итеп сайлануы.
• Аксубай һәм Мамадыш районнарында җәмәгатьчелек ярдәмчеләре шулай ук «Татарстан кроссы-2025» тә катнаштылар һәм чарада катнашучыларны котладылар.

Татарстан Республикасында Кеше хокуклары буенча вәкаләтле вәкилнең җәмәгатьчелек ярдәмчеләре эше  - кешеләргә ярдәм һәм игътибар кирәк булган урыннарда көн саен дәвам итә.