«Кайнар элемтә» эш йомгаклары
Көн дәвамында 7:00 дән 20:00 гә кадәр Татарстан Республикасында Кеше хокуклары буенча вәкаләтле вәкил Аппаратында гражданнарның сайлау хокукларын яклау мәсьәләләре буенча «кайнар элемтә» телефоны эшләде.
Шул вакыт эчендә 30лап мөрәҗәгать кергән. Гражданнарны еш кына сайлау участогының урнашу урыны, булу урыны буенча тавыш бирү мөмкинлеге, участокта күзәтүче сыйфатында булу, шулай ук тавыш бирүчеләрнең гомуми исемлегендә тәртип номерын бирүдән баш тартуның законлы булуы белән бәйле мәсьәләләр кызыксындырды.
Гражданнарның сайлау хокукларын бозулар теркәлмәгән. Барлык сораулар онлайн режимда хәл ителде, бер генә мөрәҗәгать тә игътибарсыз калмады.
Гражданнарның уңай кәефләрен, аларның сайлаулар барышында кызыксынуларын һәм активлыгын билгеләп үтәсе килә.