Махсус хәрби операция ветераннары һәм махсус хәрби операция катнашучылары арасында Татарстан Республикасы Рәисе спорт Кубогының финал этабы җиңүчеләрен бүләкләүдә катнаштык
Бүген махсус хәрби операция ветераннары һәм махсус хәрби операция катнашучылары арасында Татарстан Республикасы Рәисе спорт Кубогының финал этабы җиңүчеләрен бүләкләүдә катнаштык.
Республиканың 35 муниципаль берәмлегеннән 200дән артык спортчы сигез дисциплинада җиңү өчен көрәште. Бу спорт турниры безнең республика өчен үзенчәлекле, чөнки ул безнең чордагы гражданнарның иң мөһим һәм өстенлекле категориясенә – махсус хәрби операциядә катнашучыларга ярдәм итүгә юнәлдерелгән. Ул Татарстан рәисе Рөстәм Нургали улы Миңнеханов ярдәме белән һәм «Ватанны саклаучылар» фонды инициативасы белән узды.
Практика күрсәткәнчә, безнең ир-атларга алар яшәгән сугышка кадәрге тормышка кайтырга ярдәм итүнең иң гади һәм шул ук вакытта иң нәтиҗәле ысулы - спорт белән шөгыльләнү, мавыгу. Татарстан Рәисе спорт Кубогы кысаларындагы ярышлар төрле спорт төрләрен берләштерде – командалы һәм индивидуаль, классик һәм адаптив, әмма аның төп максаты – егетләргә сәламәтлекләрен ныгытуда ярдәм итү, менталь ярдәм күрсәтү, һәрвакыт янәшәдә булган яңа дуслар, командалар, фикердәшләр эзләү, бу тыныч тормышка кайтырга ярдәм итәчәк.
Татарстанда махсус хәрби операциядә катнашучыларга ярдәм системалы характерда булуын әйтәсем килә. Ул медицина һәм социаль ярдәм белән генә чикләнми. Үзеңнең хыялларны тормышка ашыру өчен яңа мөмкинлекләр тудырылуы бик мөһим-спортта да, һөнәри өлкәдә дә.
Барлык катнашучыларны да әлеге истәлекле вакыйга белән чын күңелдән котлыйм! Сезнең һәркайсыгыз үзенең казанышлары һәм булдыра алуыгыз белән горурлансын! Монда булуыгыз өчен рәхмәт. Сез безгә батырлык һәм бердәмлек үрнәге.