Казанда «Агроволга-2025» халыкара күргәзмәсе уза
Казанда авыл хуҗалыгы өлкәсендә иң зур вакыйгаларның берсе булган «Агроволга-2025» халыкара күргәзмәсе уза, анда 27 илдән 400дән артык компания катнаша. Күргәзмә мәйданчыгында төзелеш, транспорт, юл, коммуналь, нефть-газ һәм урман әзерләү тармаклары өчен техника һәм җайланмаларның өр-яңа үрнәкләре тәкъдим ителде.
Чара Россия Федерациясе авыл хуҗалыгы министрлыгы һәм «Росагролизинг» АҖ ярдәмендә оештырылды һәм агросәнәгать комплексы белгечләрендә зур кызыксыну уята. Күргәзмә авыл хуҗалыгы җитештерүчеләре, фән вәкилләре һәм аграрийлар арасында хезмәттәшлекне үстерүгә ярдәм итә, тәҗрибә уртаклашу һәм алдынгы технологияләрне гамәлгә кертү өчен яңа мөмкинлекләр ача.
Татарстан хаклы рәвештә илдә җитештерү күләме буенча лидерларның берсе санала. Аграр тармакны үстерү төбәктә тормыш сыйфатын күтәрүгә һәм тотрыклы үсешкә турыдан-туры бәйле өстенлекле юнәлеш булып кала.