Хәрби хезмәткә чакырылучыларны Кырым Республикасына ашыгыч хезмәткә озаттылар

2025 елның 9 июле, чәршәмбе

Бүген Татарстаннан хәрби хезмәткә чакырылучылар өчен мөһим тормыш этабы башланды - егетләр Кырым Республикасына ашыгыч  хезмәткә киттеләр. Хәрби хезмәткә чакырылучыларны Биектау районының җәмәгатьчелек ярдәмчесе Рафис Газизов озата бара. Ул егетләр белән бергә хезмәт итү урынына барып җитәчәк, шулай ук Кырымда Татарстаннан килгәннәрне дә күрәчәк.

Яңа хәрбиләргә ныклы сәламәтлек, ышаныч, лаеклы хезмәт һәм исән-имин өйләренә кайтуларын телим! Хәрби хезмәтне үтү характерның  ныгу чоры булсын.

 Без сезнең белән горурланабыз һәм өйгә кайтуыгызны көтәбез!