Вәкаләтле вәкил Түбән Кама районында пробация үзәгендә булды

2025 елның 2 июле, чәршәмбе

Бүген Татарстан Республикасында Кеше хокуклары буенча вәкаләтле вәкил  эш визиты белән Түбән Кама районында булды. Сәфәр кысаларында пробация үзәгендә булды - эшнең ничек оештырылуын, әлеге система аша узучы гражданнарның нинди шартларда булуын карады. Урында шикаятьләр һәм мөрәҗәгатьләр  килмәде. Тоту шартлары билгеләнгән таләпләргә туры килә.

Үзәктә кешеләргә нормаль тормышка кайтырга булышалар: вакытлыча теркәлү, социаль ярдәм алу, медицина тикшерүе узу, эшкә урнашу, туганлык бәйләнешләрен торгызуда булышалар.

Мондый комплекслы ярдәм кабат хокук бозулар куркынычын киметә һәм кешегә социаль адаптация юлына басарга ярдәм итә.