“Чыгарылыш кичәсе – 2025” тантаналы бәйрәм чарасында катнаштым

2025 елның 28 июне, шимбә

Питрәч районының Ленино - Кокушкино авылының Яшьләр үзәгендә узган «Чыгарылыш кичәсе-2025» тантаналы чарасында катнаштым. Һәрбер чыгарылыш укучысының истәлекле көне бүген Яшьләр көнендә узды.

Кичәге укучылар аттестатлар алалар, мәктәп белән саубуллашалар һәм олы тормышка таба бер адым ясыйлар. Шунысы куанычлы, быел чыгарылыш сыйныф укучылары арасында алтын һәм көмеш медальләр алучылар күп. Медальләрне Шәле, Ленино-Кокушкино, Көек мәктәпләрен тәмамлаучылар алды. Ә дүрт бала БДИда 100әр балл җыйды - бу лаеклы нәтиҗә.

Чыгарылыш укучыларын мәктәпне тәмамлаулары белән котлыйм! Алда яңа үр көтә  - студентлар, һөнәри юл, мөстәкыйль карарлар. Сезгә уңышлар, кыюлык һәм зур офыклар телим. Һәркемгә дә уңыш елмайсын!