Халыкара балаларны яклау көне белән котлыйм!
Кадерле балалар! Хөрмәтле әти-әниләр!
Сезне чын күңелдән Халыкара балаларны яклау көне белән котлыйм!
Бу көн безнең төп җаваплылыгыбыз - балачакны саклау турында искә төшерә. Балалар куркынычсыз, кайгыртучан һәм яратучан мохиттә үссен өчен мөмкин булганның барысын да эшләргә кирәк.
Татарстан Республикасында талантлы һәм актив буын үсә. Без балаларыбыз белән - аларның укудагы, спорттагы, иҗаттагы уңышлары, дөньяны яхшырак итү теләге белән чын-чынлап горурланабыз. Һәм безнең уртак бурычыбыз -балаларга үз-үзләренә ышанычны сакларга һәм үз потенциалын ачарга ярдәм итү.
Балалар белән эшләүчеләргә - педагогларга, тәрбиячеләргә, остазларга, волонтерларга һәм хәйриячеләргә чын күңелдән рәхмәт белдерәсем килә. Сезнең ярдәм белән балаларга белем һәм ярдәм генә түгел, ә иң мөһиме - игътибар һәм кайгырту да бирелә.
Кадерле балалар! Сезнең балачагыгыз якты һәм шатлыклы, елмаюлар, янәшәдәге игелекле кешеләр һәм чын дуслык белән тулы булсын. Хыялланыгыз, үзегезгә ышаныгыз һәм беркайчан да үзегез булудан курыкмагыз!