Идел буе Болгар дәүләтенең рәсми рәвештә Ислам динен кабул иткән көн белән!

2025 елның 21 мае, чәршәмбе

Хөрмәтле Татарстан Республикасы халкы!

Сезне Идел буе Болгар дәүләтендә рәсми рәвештә Ислам динен кабул итү көне белән котлыйм!

Бу көн халкыбыз тарихында аерым урын алып тора. Мең елдан артык элек татарларның ата-бабалары, исламны мәҗбүриләп түгел, ә гаделлеккә, белемгә һәм рухи җитлеккәнлеккә омтылып кабул итеп, аңлы рәвештә сайлау ясаганнар. Шуннан бирле ислам безнең мәдәни, әхлакый һәм хокукый традицияләребезнең аерылгысыз өлешенә әверелде.

Бүгенге бәйрәм тарихи хәтер көне генә түгел, ә Татарстанның рухи мирасының байлыгын һәм тирәнлеген искә төшерү дә. Сезгә чын күңелдән нык сәламәтлек, иминлек, күңел тынычлыгы һәм игелекле эшләр телим!