Җиңү көне алдыннан Татарстан омбудсмены Менделеевск муниципаль районында тантаналы митингта булды

2025 елның 7 мае, чәршәмбе

Бүген Менделеевск муниципаль районының Бәзәкә авылында Җиңү көненә багышланган концертта булдым. Җылы, чын-чынлап өй атмосферасы хөкем сөрә, тамашачыларның һәр күз карашында рәхмәт һәм хөрмәт сизелә иде.

Бөек Ватан сугышы ветераны Зәйнәк Әһли улы Әһлиев һәм район башкарма комитеты җитәкчесе Роберт Искәндәр улы белән бергә, безнең тыныч тормыш һәм азатлык өчен гомерләрен биргәннәрне искә алу өчен, Мәңгелек ут янына чәчәкләр салдык.

Без горурланабыз. Без хәтерлибез. Каһарманнарга мәңгелек дан!