Бүген Казанның Киров районында кайнар ризык таратуның 33 нче пункты ачылды
2018 елдан аз керемле һәм йортсызлар белән “Кеше приюты “социаль тернәкләндерү үзәге” коммерциячел булмаган оешмасы зур эш алып бара. Оешма зур күләмле хәйрия программасын тормышка ашыра, мохтаҗларга комплекслы ярдәм күрсәтә: кайнар ризык, азык-төлек җыелмалары, кием-салым, төн кунарга урын, юридик һәм психологик ярдәм, медицина ярдәме, ә шулай ук башка социаль әһәмиятле хезмәтләр тәкъдим итә. «Кеше приюты» карамагындагылар - ярдәм алучылар гына түгел, ә ресоциализация һәм адаптация программасында катнашучылар, аның максаты - гражданнарны җәмгыять белән нормаль хезмәттәшлеккә кайтару.
Бүген Казанның Киров районында 33 нче кайнар ризык өләшү пункты ачылды. Бу пункт авыр тормыш хәлендә калган кешеләргә бушлай кайнар төшке аш һәм азык-төлек ярдәме күрсәтәчәк. Көн саен «Кеше приюты» ның туклану пунктларында 3 000 порция ризык таратыла, аларның яртысыннан артыгы республика башкаласында.
Мин көн саен шундый күләмле һәм мөһим эш башкаручыларга рәхмәтлемен. Безнең республикада чыннан да мохтаҗларга ярдәм системалы һәм битараф булмыйча төзелүен аңлау күңелле. Бу кирәкле, чын эш, аның артында кеше язмышлары тора.